Türkmenistanyň Döwlet medeniýet merkeziniň Döwlet kitaphanasynda  Päkistan  Yslam Respublikasynyň Türkmenistandaky Ilçihanasynyň ilçisi Doktor Farýal Leghari  we ilçihananyň wekilleri iş saparynda boldular.

      Ikitaraplaýyn dost-doganlyk gatnaşyklaryny pugtalandyrmak has-da ösdürmek we geljekde kitaphana işini kämilleşdirmek maksady bilen gurnalan bu duşuşykda gelen myhmanlar Döwlet  kitaphananyň bölümlerinde  işleriň alnyp barylyşy, olaryň okyjylara edýän döwrebap hyzmatlary bilen şeýle hem kitaphanada guralan hemişelik we wagtlaýyn sergileri bilen giňişleýin tanyşdylar. Duşuşygyň  dowamynda Päkistan  Yslam Respublikasynyň Türkmenistanyň Ilçihanasy tarapyndan bu ýurduň dilini, taryhyny, medeniýetini, edebiýatyny, milliligini giňişleýin wagyz edýän iňlis we urdu dillerindäki   neşirleriň birnäçesini Döwlet kitaphananyň kitap gaznasyna sowgat berdiler.

Şeýle ikitaraplaýyn duşuşyklaryň geçirilmegi ýurdumyzyň kitaphana ulgamynyň dünýä derejesinde ösmegine uly ähmiýet berýär.  Milli ruhy gymmatlyklarymyzy ýaş nesillerimize ýetirmekde uly aladalar edýän türkmen halkynyň Milli Lideri Gahryman Arkadagymyza, Arkadagly  Gahryman Serdarymyza janlarynyň sag, ömürleriniň uzak bolmagyny  tüýs ýürekden arzuw edýäris.