Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölüminiň guramagynda “Türkmen Bitaraplygynyň şöhratly menzilleri” atly tegelek stoluň başynda  söhbetdeşlik.

    Döwlet kitaphanasynyň Neşirleri toplaýyş bölüminiň guramagynda ”Türkmen Bitaraplygynyň şöhratly menzilleri” atly tegelek stoluň başynda söhbetdeşlik geçirildi. Söhbetdeşligi “Altyn asyr” teleýaýlymynyň redaktory Nowruz Güýjow alyp bardy. Söhbetdeşlikde Türkmenistanyň at gazanan žurnalisti “Türkmen dünýäsi” gazetiniň jogapkär kätibi D.Agalyýew, Döwlet kitaphanasynyň kitaphanaçylary A.Şirliýewa we E.Hüseýinowa çykyş edip, Hemişelik Bitaraplygymyzyň şanly 30 ýyllyk baýramynyň bellenilýän ýylynda beýik ösüşleriň täze tapgyrlary, ýetilen sepgitler, durmuşyň  dürli ugurlarynda gazanylan we gazanylýan üstünlikler barada gürrüň etdiler. Şeýle-de dünýä halklarynyň arasynda parahatçylygyň, özara düşünişmegiň hem-de ynanyşmagyň ygtybarly ýola goýulmagyna oňyn täsir edýändigini buýsanç bilen belläp geçdiler. Söhbetdeşligiň ahyrynda çykyş edenler döwletimiziň halkara abraýyny ösdürmek, Garaşsyz, hemişelik Bitarap Watanymyzy dünýäniň ösen döwletleriniň derejesine ýetirmek ugrunda alyp barýan beýik işlerinde  Gahryman Arkadagymyza, Arkadagly Gahryman Serdarymyza rowaçlyklary arzuw etdiler.

                                                                                                                                                                                                                                                                                                                                                                                                                                                                                                                                                                                                                      28.11.2025ý.